Die manne van DZL lewe voluit vir élke oomblik

Op die oog af lyk die manne van DZL (Andries Hendrik-Potgieter en Wiaan Fourie) soos modelle vir ’n Men’s Health-voorblad, maar wanneer jy dié twee van nader leer ken besef jy eintlik daar is veel meer agter daardie perfekte blokkies maag.

Die groep het onlangs hul tweede album, Realiteit, die lig laat sien en nes die titel sê word die realiteit van hul lewens vasgevang op die album. “Dis ons stories, geluk, blydskap, twyfel en seer,” vertel Andries.

Die album bevat lekker-luister en dansmusiek wat ’n storie vertel. Tien van die snitte is oorspronklik waarvan twee daarvan self deur die manne gepen is. Daar is ook drie duette sowel as verwerkings van ou gunstelinge.

Hul eerste enkelsnit Het Jy Al Gelewe? doen ook goed op radio en TV en boer al ’n geruime tyd op die top 20-ranglyste. “Die realiteit is dat ons baie lief is vir toer en is baie gesëend om die wêreld te mag sien. Ons weet wat dit vir ons beteken en daarom nooi ons ander om ook ’n tas te pak en hulself beter te leer ken in ’n ander land en kultuur. Die liedjie nooi mense ook uit om net weer ’n bietjie avontuurlustig te wees en die lewe te geniet,” sê Andries.

Loer hier onder na een van hulle veelsuidige liedjies:- DZL – WASERIG (Official Music Video)

Enjoyed this post? Share it!

 

Leave a comment